Aplikasi Raport Kur. 2013

Mangga ingkang ngersakaken aplikasi raport kurikulum 2013 tingkat SMA, saged dipun modifikasi, dipun otak-atik piyambak. nuwun

DOWNLOAD

Daftar Nilai Guru Kur. 2013

Dhumateng bapak/ibu guru ingkang mbetahaken file Daftar Nilai Kur. 2013 saged panjenengan undhuh wonten ngandhap menika. nuwun



Download

Ngurip-urip Basa Jawa (ature : L SUNOTO)

BASA Jawa perlu diurip-urip. Tegese diopeni lan sapanunggalane, amrih lestari utawa supaya tetep urip (KAMUS BASA JAWA dening Tim Penyusun Balai Bahasa Yogyakarta, 2001). Pratelan iki minangka sawijining wangsulari tumrap sumelanging para sepuh ngenani kahanane basa Jawa kang mrihatinake banget Basa Jawa wis arang dinggo srana komunikasi ing antarane para mudha. Semono uga marang wong tuwa utawa wong kang perlu diajeni. Kamangka para mudha kuwi nggambarake masyarakat ing tembe buri. Yen nom-noman saiki ora seneng, ora gelem, utawa ora bisa ngganggo basa Jawa, mesthine basa Jawa ora bisa tetep urip utawa ora lestari.
Ngurip-urip basa Jawa mbutuhake tumindak nyata. Sapa kang kudu tumindak, lan apa kang katindakake? Saben pawongan kang isih ngaku wong Jawa (durung ilang Jawane) duweni kuwajiban nindakake rang bab. Sepisan, ngopeni basa Jawa klawan nggunakake basa Jawa kanthi bener lan apik. Kanthi bener, tegese manut pranatan (kaidah) panganggone basa Jawa kang wis katetepake. Apik, mengku teges manut swasana lan jinis panganggone. Upamane, ing swasana resmi, swasana santai, swasa­na akrab, lan sapanunggalane.

Ruwatan Anak Sampir

ING jaman Majapahit agama wis nyawiji ing kabeh panguripan, ka-lebu kabudayaan. Kabeh perangan kabudayaan kayata seni bangunan, seni sastra lan seni panggung keblate menyang agama. Majapahit ora ngasilake bangunan-bangunan megah lan gedhe kaya Boro-budur lan Prambanan ing jaman Mataram kuna. Candhi-candhi jaman Singosari-Majapahit wujude candhi-candhi cilik,. gung-gunge akeh banget lan minangka makam kulawarga raja.
Ing jaman Majapahit ana candhi cacah loro kang dientha-entha kanthi relief kisah Mahabarata, yaiku Candhi Tegowangi (kang dibangun dening Rajasawardhana ing taun 1358 M) lan candhi Sukuh ing perengegunung Lawu, di­bangun ing taun 1439. Kalorone nggunakake relief Sudamala. Ing crita pewayangan Sudamala biya-sane digunakake kanggo ngruwat, contone kanggo nglepasake anak "sukerta" saka bencana krana klairane, kanthi tebusan upacara keagamaan. Mbokmenawa re­lief candhi Tegowangi kanggo ngurmati ruwatan Nagarawardhani, putri tunggale Rajasawardhana ing perkawinane karo Bre Lasem.

UPACARA adat "Mantu Kucing"

UPACARA adat "Mantu Kucing" minangka upacara adat kanggo njaluk udan ing dhaerahe wong-wong kang nganakake upacara adat kasebut. Upacara iki dianakake ing mangsa ketiga dawa, amrih dampake negatif ora tumarna marang masyarakat kang uripe ing saben dinane mung gumantung marang saka wulu wetune anggone nggarap tegal lan sawahUpacara adat iki asale saka tradhisi masyarakat Desa Purworejo, Kecamatan/ Kabupaten Pacitan. Kedadeyane ing jamah kawuri (ora disebutake taun pira) kacarita ana salah sawijining warga desa kang entuk"wisik"supaya udan, kudu nglaksa-nakake

Bab Werdine Elmu Kejawen

Bab Werdine Elmu Kejawen 

Saben krungu tembung KEJAWEN, paran pikirane wong/masyarakat, mesthi tumuju marang "Gugon Tuhon", "Klenik" Isp. Nanging mungguh sanyatane, Kejawen mono, ora liya yaiku elmune wong Jawa. Kang elmu mau ora liya, apa bae kang ditindakake dening pawongan, aja nganti gawe rugi lan cilakane liyan. Malah sabisa-bisa, apa kang ditindakake, gawe liyan rumangsa seneng marem lan tansah kepengin cecaketan karo kang tansah gawe seneng lan marem mau. Sejene kuwi, watake wong Jawa, ya kang nduweni Elmu Kejawen mau, tansah andhap-asor, ora ngegul-ngegulake dhirine, kang wis rumangsa luwih sembarange. Tansah ngajeni liyan, ngurmati lan sujud marang pinisepuh/pemimpin, ndhuwuran Isp. Kang tansah gawe seneng lan marame liyan mau, ora liya yaiku sesanti "KARYANAKTYAS ING SASAMI".

Tradhisi Kupat

TRADHISI yaiku salah sawijining bab kang angel diowahi utawa diganti, amarga wis kadhung nyawiji ing panguripan masyarakat pendhukunge. Wondene kupatan yaiku salah sawijining istilah kang asale saka tembung "kupat". Yaiku jenenge panganan saka beras sing dilebokake ana jero kothak nam-naman janur, lan digodhong suwene patang jam. Ujare kandha panganan iki ana nalika jaman Wali Sanga, minangka gantine lonthong. Digawe saka janur lan disugunake beba-rengan karo panganan sing ana santene amarga dipercaya yen wit klapa kalebu wit sing piguna banget, wiwit saka wite, oyode, godhonge, wohe, banyune, sepete, bathoke  kena dimanfaatake kanggo panguripan manungsa. Saengga, manungsa kudune niru lan manfaatake umure marang sapadane. Saliyane iku wujud kupat sing pesagi dipercaya nglambangake rukun Islam kang kapapat yaiku pasa ing wulan Ramadhan.

Omah Jawa (1)

OMAH Jawa tetela cakrike warna-warna. Ing titi mangsa sing wis kawuri, wujude omah Jawa isih kagolong prasaja. Nanging tansaya suwe banjur sansaya ngrembaka sarta pepak, laras karo mekaring kabudayan sarta kabutuhan panguripaning manungsa. Sawetara wektu kepungkur, panaliten ngenani sawarnaning wangunan omah Jawa diadani dening Proyek Inventarisasi Dan Dokumeritasi Kebudayaan Daerah Departemen Pendidikan Dan Kebudayaan. Minangka asiling palapuran, kababar buku seiarah, "Arsitektur Tradhisional Daerah Istimewa Yogyakarta" dening Drs. Hj. Wibowo, Drs. Gatut Murniatmo, Sukirman Dh (tim dhaerah) lan Drs. Sugiarto Dakung (pusat).Katetepan laladan Yogyakarta minangka papan panaliten, yaiku kanthi dhasaryen Dhaerah Istimewa Yogyakarta iku mujudake sawijining papan panggonan kang dadi pusate wangunan arsitektur tradhisional Jawa. Laladan Yogyakarta (Kota Cede, Kerta, Plered), iku mujudake tiias Kraton Mataram Islam.

Samudana

Samudana

Dening : Didit Setya Nugroho

Lagi wae sedhan kinclong warna abang mbranang kuwi nggremet tekan prapatan, dumadakan keprungu pating gedebug sikile wong-wong menganggo klambi sarwa ireng. Kaping sepisan krungu swara jumedhuge tuge!an kayu trembesi ditibakake ngalang-alangi playune sedhan. Wong-wong ku­wi banjur ndhondhogi kaca sedan kanthi kasar. Saking kagete, Pak Surasa sing ana njero mobil ngerim ndadak. Raine pucet kaya kasatan getih. Durung ilang rasa kagete, wong-wong sing briga-brigi kuwi nyoba mecah kaca sedhan saka njaba.

Putri Rembulan lan Srengenge

Putri Rembulan lan Srengenge

Dening Sri Astutik

Pak Su lan Bu Tri mujudake wong tani kang wekel nyambut gawe. Manggone ing sapinggire alas kang ora adoh saka kutha raja. Uripe tentrem lan akeh asile olah tetanen, Mung emane, wis 20 taun anggone urlp bebrayan durung pinaringan momongan. Wis akeh tabib sing dltekakake supaya bisa aweh pitulungan.

Kutang Ireng

Kutang Ireng

Dening: SOEDARSIN 

PanjebAr Semangat no. 22 - 31 Mei 2014


Saupama aku dadi wong sugih, mbokmenawa klambiku bisa akeh. Kutangku lan CD-ku uga akeh. Ora kaya saiki, klambi sing pantes mung ana telu. Liyane dhaster sing modhele kaya sarung bantal, ora ana potongane. Kutangku uga mung telu, ireng, krem lan putih. Sing putih, wernane wis ora putih maneh, nanging putih tuwa. Ing antarane kutang telu mau, sing wis paling kendho taline, wernane uga wis mbiadhus awit asring dienggo, yaiku kutang sing werna ireng. Kutang kasenengane Mas Aris. Sandhalku mung sandhal plastik, tu-kon kaki lima emperane toko mas Pasar Wage, sing wernane nyolok mata. Mura-han. Lha piye, arep tuku

RPP Kelas X Semester Ganjil, Kurikulum 2013

Mangga ingkang ngersakaken RPP Basa Jawa Kelas X semester Ganjil, Kurikulum 2013


1. Rincian Minggu Efektif

2. Cerkak 

3. Tembang Pangkur

4. Aksara Jawa Mandaswara

5. Pawarta

6. Omah Adat Jawa

Abang Bata

Abang Bata

DINANE Senen. Aku kudu budhal luwih esuk. Awit kudu nyiapake upacara bendera. Jane ya wis ana guru olahraga Nanging aku kurang sreg yen ora nunggoni. Awit guru olahraga-ne isih enom, gek isih GTT. Pengalaman mulang lan ngatur ika-iki durung mumpuni. Sauntara Bu Darsini guru kelas nenem sing padatan nyiapake upacara, rada mopo sajege ana guru olahraga-ne. Ke-peksa aku sing kudu ngalahi. Nanging esuk iki aku jan anyel. Awit putuku sing sekolah neng PAUD ndadak rewel. Gara-garane, njaluk adus merga weruh kancane ana sing wis budhal se¬kolah. Hla wektu semono aku lagi nggoreng tempe. Rada kesusu-susu, wong wis men jam setengah pitu. Iki risikone yen ora duwe pembantu. Biyen tau duwe pembantu, ning banjur mulih jare ora krasan. "Kuuung ... Denty nyuwun adus ... tulung dusana!"

Kursi Antik

Kursi Antik

(Trilaksito Saloedji)

Sawise pelantikan ing Surabaya, aku lan sisihanku tumuju menyang panggonan tugasku sing anyair Sawijining Pabrik Gula ing pesisir lor, ora adoh saka kutha kabupaten.
Sawise kuwi ing ndalem telung dina, kegiyatanku yaiku nganakake sapatemon karo karyawan sapabrik lan bojone ing Balai Pertemuan. Kenalan ngiras ngeling-ake tugas kang kudu

Oooh...Lelakon

Oooh...Lelakon

(dening : Gaib Wisnu Prasetya)

SAKA desane ing saelore Wonosari, Gunungkidul, Sutikno budhal tumuju Yogyakarta. Niyate sakawitnyusul Lik Masirin, makarya dadi kuli bangunan ana proyek. Mbangun ge-dhonge pemerintah, sing jarene ngente-kake ragad milyaran. Tikno ngrumang-sani, kadidene anake randha mlarat dhe-weke kudu ngudi ngentheng-enthengi sanggane simboke. Apamaneh adhi-adhine isih cilik, nedhenge butuh ragad sekolah.

Nguri-uri Upacara Adat "Bayen"

Nguri-uri Upacara Adat "Bayen"

Dening Sutrisno Magersari

Kagem masyarakat Jawa, upacara adat "bayen" punika ngandhut tujuan luhur nyadhong kanugrahan, pang­ayoman, saha kawilujengan bay! (calon bayi) saking ngarsanipun Gusti Ingkang Akarya Jagad (Allah SWT). Biasanipun, upacara adat bayen punika kawiwitan saking calon bayi nalika wonten kandhutan pitung wulan (tingkeban) ngantos calon bayi dipun

JARAN NGGOLEKI MANUNGSA

JARAN NGGOLEKI MANUNGSA

Dening : kyan Biru ( Panjebar Semangat No. 15-13 April 2013 )

Jaman mbiyen sadurunge jaran dadi manut kaya saiki, ana Jaran Sumba sing gedhe, dhuwur lan ,wulune alus. Jaran kuwi durung tau ketemu manungsa. Uripe ana suketan amba. Pangane kecukupan, uripe aman. Gaweyane jaran kuwi mung mangan suket karo mlayu ing lapangan suket lan ngaca ing kedhung. Jaran kuwi krasa seneng lan yakin yen dheweke makhluk Gusti Allah sing paling kuwat, apik lan pinter ing bumi. Ing esuk kuwi Sumba lagi ngaca ing telaga, ana iwak teka nyedhaki jaran sing lagi ngilo kuwi.

GROMBOLAN RAMPOG NGGONDHOL 6 MILIAR

Durung wae traumane warga ilang salebare kasus penyerangan ing Lapas Cebongan, Sleman, warga Yogyakarta ball dikagetake dening aksine rampog cacah lima sing nyatroni kantor Pegadaian Syariah Unit Ngampilan, Selasa awan (2/ 4). Grombolan rampog agegaman senjata api iku kasil nggondhol priyasan mas-masan pengaji Rp 6 miliar lan dhuwit Rp 30,9 yuta. Manajer Pegadaian Syariah Unit Ngampilan, Slamet, nuturake ram-pog-rampog iku mbanda para petugas pegadaian lan meksa supaya nuduhake panggonane bandha. Kanggo nggertak, salah sijine perampog nembakake pistule menyang meja engga njalari kacane meja rengat.

Slamet nduga pistule penjahat iku mung tiron utawa jinis air soft gun awit plurune ora bisa nembus meja. Kejaba kuwi swara jumedhore uga beda karo pistul-pistul sing tenan. Miturut Slamet, rampog-rampog mawa tutup rai iku ngobok-obok kantore jroning wektu 20 menit.

Bandha sing dirampog dikukup lan dilebokake tas rangsel. Sawise butuhe cukup rampog-rampog iku ninggalake Pegadai­an kanthi sahtai. Kapolda Yogyakarta, Brigjen Sabar Rahardjo ngandharake, ciri-cirine rampog wis dikanthongi pulisi. Sabar nduga tindak kejahatan iku wis ri-nancang sadurunge, jalaran anggone tu-mindak ngenteni nalika listrik pinuju mati saengga ora bisa karekam dening kamera CCTV.

Tulusing Katresnan

Hawa adhem njalari Hari nggeret kemul rada dhuwur. Lamat-lamat ku-pinge krungu lagune almar-hum Chrisye. Nyawang rneja ing pojok kamar. Ah, Minar isih nggethu ing ngarep laptop cethak-cethik ngetik. Rambute sing dawa nganti ngisor pundhak digelung nganggo jepit. Kaca mata plus sing mung dienggo menawa lagi nggarap pakaryan ing laptop sangsaya ngatonake keseriusane. Awake langsing, direnggani klambi terusan sing nglembreh meh tekan jogan.
Kaya minggu-minggu sadurunge, pendhak Jemuah bengi utawa Setu sore Minar ajeg teka ing omahe. Hari mapag menyang stasiun. Lan bengine, nalika Hari nglilir, tansah nyumurupi Minar nggethu kaya ngono iku. Kira-kira jam telunan lagi ngadeg, ngobahake tangan mendhuwur, ndhaplang, ngeluk boyok Mlebu jedhing, bali neng kamar meneh, nggelar sajadah, banjur khusuk konjem ' ngadhep sing Maha Kuwasa ing sapro-telon wengi pungkasan kang aji banget, Bubar iku bali ing ngadhep laptope nganti Shubuh, Krungu azdan ngumandhang, Minar mateni laptope. Nyedhak peturon, ngaras pipine Hari kanthi asih, banjur mbisiki kupinge, "Mas, wis Shubuh... wungu yuuuk!"

Geguritan Kuwi

Aku menthelengi tulisan ing majalah PanjebarSemangat kanthi ati trataban. Geguritan ang kebak pangrasa ing tanganku, bola bali takwaca tanpa ke-dhep. Lambeku gemeter karo ndremimil. Rasane donya kaya ambruk ing dha-dhaku. Dhuh, Gusti.,.jeneng kang kapa-cak ing ngisor geguritan kuwi sing marai jantungku kaya ucul-ucula. "Sri Wirdaningsih...".

Wewayangan rong puluh taun ke-pungkur kaya digelar neng ngarep mripat-ku. Kawitane jaman isih menganggo se-ragam putih biru, aku ketemu karo Sri Wirdaningsih. Aku ngrumangsani yen wiwit duwe rasa beda marang kenya manis kuwi sawise srawung udakara limang sasinan. Nanging, aku ora kuwawa nyuntak rasa ing njero atiku, jalaran aku wedi marang wong tuwane. Pak Pambudi, ya bapake Sri Wirdaningsih mono salah sijine guru kang mulang ing SMP-ku.